İ.T. - Proqramlaşdırma

JavaScript
Veb-saytlarda dinamikliyi artırmaq, animasiyalar, interaktiv slaydlar və müxtəlif funksionallıqlar yaratmaq üçün istifadə olunur. İstənilən müasir veb-proqramlaşdırma üçün əsas dillərdən biridir.

jQuery
JavaScript-in frameworkudur (yığcam forması). Kodların yazılmasını sadələşdirir və qısaldır. Lakin jQuery istifadə edərkən JavaScript-in məntiqini bilmək mütləqdir, çünki jQuery də JavaScript üzərində işləyir.

HTML
Saytların skeleti hesab olunur. Yazılar, cədvəllər, qeydiyyat formaları və digər məzmunlar HTML vasitəsilə əlavə olunur.

Qeyd: HTML proqramlaşdırma dili hesab edilmir, çünki orada alqoritm yazılmır.

CSS3
HTML-də yazılmış elementlərə dizayn və vizual effektlər əlavə etmək üçün istifadə olunur. Rənglər, ölçülər, fonlar, animasiyalar və ən əsası responsiv dizayn (saytın mobil telefon və planşetlərdə uyğun görünməsi) CSS3 vasitəsilə yaradılır.

Bootstrap
CSS-in frameworkudur. Hazır class-lar üzərində işləyir və dizayn prosesini asanlaşdırır. Daha qısa zamanda, hazır komponentlərdən istifadə etməklə mobil uyğun veb-saytlar yaratmaq mümkündür.

PHP
Server tərəfində işləyən proqramlaşdırma dilidir. Saytın admin panelinin hazırlanması, istifadəçinin görmədiyi kodların işlənməsi, verilənlər bazası ilə əlaqə, e-mail göndərilməsi, mesajlaşma qutularının yaradılması və digər dinamik funksiyalar PHP vasitəsilə həyata keçirilir.

MySQL
Verilənlər bazası sistemidir. İstifadəçilərin bütün məlumatlarının saxlanması, idarə olunması və çağırılması MySQL vasitəsilə aparılır. Məsələn, qeydiyyat zamanı istifadəçi məlumatlarının sistemdə yadda saxlanılması və sonradan çağırılması MySQL-in funksiyasıdır.

✨ Bu proqramı uğurla bitirən tələbə tam funksional veb-saytların hazırlanması, dizaynı və idarə olunması bacarıqlarına yiyələnəcək.